Katër të rinj vlonjatë kanë rrezikuar sot jetën e tyre pasi mjeti lundrues ku ata udhëtonin ka pësuar defekt në mes të detit.
Katër të rinjtë kishin dalë në Karaburun, me një mjet lundrues me qëllim për ta testuar nga ana mekanike, por gomonia ka pësuar defekt në motor, duke rrezikuar jetën e tyre.
Dy prej tyre kanë mundur të dalin me not në breg të gadishullit dhe kanë kërkuar ndihmë për dy shokët e tjerë, që ndodheshin në bordin e mjetit lundrues.
Fatmirësisht policia kufitare u ka ardhur në ndihmë të rinjve duke bërë të mundur shpëtimin e tyre.
