Presidenti i Republikës sё Kosovës, Hashim Thaçi sapo ka marrё sot vendimin për shpalljen e zgjedhjeve tё parakohshme për Kuvendin e Republikës sё Kosovës.
Thaçi ka vendosur datën e re për zhvillimin e zgjedhjeve të përgjitshme e cila do të jetë më 6 Tetor të këtij viti.
Në vendimin e nënshkruar prej tij, thuhet se “duke u bazuar nё pёrgjegjёsitё kushtetuese dhe ligjore, presidenti Thaçi ka marrё vendim që zgjedhjet e parakohshme për Kuvendin e Republikës sё Kosovës tё mbahen mё 06 tetor 2019”.
“Udhëzohet Komisioni Qendror i Zgjedhjeve i Republikës sё Kosovës t’i ndërmerr tё gjitha veprimet e nevojshme për organizimin dhe mbajtjen e zgjedhjeve për Kuvendin e Republikës sё Kosovës, nё përputhje me kёtё vendim dhe legjislacionin nё fuqi”, thuhet mё tej nё vendimin, tё cilin e ka nënshkruar presidenti Thaçi, njofton zyra e tij.
