Një zjarr masiv ka përfshirë ishullin e Evias në Greqi ndërsa është urdhëruar evakuimi i dy fshatrave dhe një manastiri që nga dita e djeshme.
Më shumë se 200 zjarrëfikës, 6 avionë me ujë dhe 5 helikopterë janë impenjuar për shuarjen e flakëve.
Sipas zyrtarëve raportohet se mbi 500 banorë të Kontodespoti dhe Makrimalli kanë lënë shtëpitë e tyre.
Flakët janë 20-30 metra të larta dhe as nuk duket dielli, thotë për AFP një vullnetar zjarrfikës në vendin e ngjarjes.
Qeveria po ndjek nga afër situatën ndërkohë që vitin e kaluar në korrik, 102 persona humbën jetën në tragjedinë më të madhe greke me zjarret.
