Një numër i madh emigrantësh i janë drejtuar këtë fundjavë Shqipërisë, duke krijuar një fluks të lartë në Portin e Durrësit.
Paraditen e sotme kanë mbërritur në Portin e Durrësit plot 6500 emigrantë nga 5 tragetet. Një fluks i madh është krijuar dhe nga numri i automjeteve, që ka arritur në 1500.
Kapiteni i Portit, Taulant Allka, është shprehur se edhe pasdite priten dy tragete me rreth 4000 pasagjerë e 800 makina, duke shënuar kështu pikun e trafikut detar në mbërritje.
36 sportele janë hapur për kalimin e pasagjerëve dhe makinave nga policia kufitare, ndërsa kapiteneria ka organizuar hyrjen e trageteve në kalata për të mos krijuar radhë dhe kaos në pikun e fluksit.
