Një 27 vjeçar i dënuar më parë për vjedhje me armë në shtetin grek është arrestuar në flagrancë nga policia e Vlorës.
Në vijim të kontrolleve për ngjarjen e Selenicës, Policia e Vlorës në bashkëpunim me FNSH kapen në flagrancë shtetasin S. R., 27 vjeç, banues në fshatin Vajzë të Selenicës.
27 vjeçari u kap afër malit të Beunit, të fshatit Matogjin i cili mbante me vete një armë zjarri automatik me municion luftarak.
Materialet iu referuan Prokurorisë në ngarkim të tij për veprën penale “Mbajtja pa leje dhe prodhimi i armëve, armëve shpërthyese dhe municioneve”.
