Një 58-vjeçar nga fshati Ndërfane në Mirditë ka ndërruar jetë pasi ka rënë në kontakt me energjinë elektrike.
Ngjarja e rëndë ka ndodhur në banesën e 58-vjeçarit me iniciale Gj.P, dyshohet për shkaqe aksidentale.
“Sot, rreth orës 15:45, në fshatin Ndërfane, Mirditë shtetasi Gj.P., 58 vjeç, banues në Ndërfane, Mirditë, në banesën e tij, aksidentalisht ka rënë në kontakt me rrymën elektrike, ku si pasojë ka humbur jetën.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”, njofton Policia.
