Dy shtetas nga Cakrani janë vënë në pranga pasi kanë shantazhuar një vajzë për publikimin e fotove personale të saj në këmbim të favoreve seksuale.
Në kuadër të operacionit “Koshovica” u arrestuan G.M, 44 vjeç dhe J.Sh, 46 vjeç, banues në Cakran.
Arrestimi në flagrancë i këtyre shtetasve u bë pasi në bashkëpunim me njëri tjetrin, dyshohet se kanë shantazhuar dhe kërcënuar një femër, duke i kërkuar para dhe favore seksuale me qëllim mospublikimin në rrjetet sociale të disa fotove personale të saj.
Materialet për veprime të mëtejshme do i kalojnë Prokurorisë pranë Gjykatës së Shkallës së Parë për Krimet e Rënda Tiranë.
