Imamët e akuzuar për xhihadistë, deklaruan në seancëne sotme gjyqsore se prokuroria ka manipuluar me provat për ti bërë qejfin Ambasades amerikane. Njëri prej të akuzuarve si organizator i rekrutimit të shqiptarëve në Siri, Gerti Pashja deklaroi në seancë se çështja në ngarkim të tij dhe të të pandehurve të tjerë është e paragjykuar që pas ndërhyrjes së Ambasadës amerikane. Ai akuzon gjtihashtu edhe kryeministrin që po përdor këtë gjyq ndaj tyre për të bërë propagandë se qeveria e tij po lufton terrorizmin.
Dëshmia
“Çështja jonë e paragjykuar që pas ndërhyrjes së Ambasadës amerikane. Ambasada e SHBA ka bërë deklaratë për gjyqin tonë, pse duhet të ndërhyjë? Gjykata s’ka prova, po na dënon se i ka dhënë besën amerikanëve. Ç’i duhet Ambasades te nderhyje ne gjyqet shqiptare?“Ju na dënoni që t’i bëni qejfin ambasadës, por ajo nuk u jep viza. Kjo është çështje e manipuluar që nga Kryeministri, që po e përdor çështjen tonë për t’u mburrur se po lufton terrorizmin.
Ne akuzohemi se jemi myslimanë.E gjithë propaganda bëhet që myslimanët të bëhen të krishterë. Prokuroria ka manipuluar me provat për ti bërë qejfin Ambasadës. Nuk na ka ardhur te na marre asnjehere ne pyetje ne paraburgim. Askush nuk ka ardhur të na marrë në pyetje. Prokuroria nuk na komunikuar asnjëherë zgjatjen e afateve. Të gjitha materialet do t’i publikoj ne internet. Me çështjen tone po i beni gropen vetes se thone se Shqiperia ka numrin me te madh te xhihadisteve”, tha Pashai . Ndërsa i pandehuri tjetër Bujar Hysa iu drejtua gjyqtarëve me këtë paralajmërim: “Ne do dalim krenarë nga gjyqi, por ju po i bëni gropën vetes”.
