Një sitë pasi u lirua nga detyra me anë të një VKM me prpozim të ministres së Kulturës ka reaguar ish-drejtoresha e Bibliotekës Kombëtare, Persida Asllani.
Asllani shpjegon se ka qenë vetë ajo që e ka marrë këtë vendim dhe argumenton se kjo ka ardhur pasi ka zgjedhur të rikthehet në jetën akademike pas një shkëputjeje 5-vjeçare.
Reagimi i plotë:
Persida Asllani, ka kërkuar lirimin nga detyra e drejtores së Bibliotekës Kombëtare për arsye të vendimit të saj për t’u rikthyer në karrierën universitare, në përfundim të afatit ligjor që parashikon Ligji i Arsimi të Lartë dhe aktet e tij nënligjore për mundësinë e ruajtjes së vendit të punës në Institucionet e Arsimit të Lartë, për një periudhë maksimale prej 5 vjetësh dhe pa mundësi përsëritjeje. Karriera e saj universitare ka zënë fill në vitin 1995 ne Universitetin e Tiranës, me emërimin si pedagoge në Departamentin e Letërsisë, dhe e vetmja shkëputje prej saj ndodhi para 5 vjetësh kur i’u besua drejtimi i Bibliotekës Kombëtare, detyrë që e pranoi me shumë nderim e përkushtim, në shërbim të këtij Institucioni si dhe të Rrjetit Kombëtar të bibliotekave dhe të jetës së librit në përgjithësi në Shqipëri dhe më gjerë.
