Spastrimi i Kuvendit nga kriminelët është prioriteti më urgjent kombëtar
Kur janë mbushur 25 vjet nga Kuvendi i Parë pluralist, lideri aktual i opozitës Lulzim Basha lëshon thirrjen për ta shpërbërë Kuvendin aktual që sipas tij është i kapur nga krimi dhe kriminelët. Basha në një mesazh të publikuar në rrjetet sociale me këtë rast thotë se spastrimi i Kuvendit nga krimi dhe kriminelët sot përbën një prioritet urgjent kombëtar. Sipas tij urgjencat e demokracisë shqiptare në këto ditë janë vetëm dy: zbatimi i ligjit të dekriminalizimit dhe përgatitja për zgjedhje të lira e të ndershme.
Postimi i plotë i Bashës në FB:
25 vjetori i Kuvendit e gjen tempullin e demokracise ne gjendje te mjere. Narkotrafikante me damke, vrases, bandite dhe tutore e trafikante te grave dhe vajzave shqiptare u perzgjodhen me dore nga shefi i mazhorances dhe u sollen ne kete Kuvend si perfaqesues te botes se krimit duke poshteruar kesisoj cdo shqiptar dhe shqiptare. Ky Kuvend ka qene ne keto 3 vite pararoje e shkeljes dhe dhunimit te te drejtave te qytetareve, dhunimit flagrant te Kushtetutes dhe vendimeve te Gjykates Kushtetuese, agresionit fizik, verbal dhe institucional kunder opozites. Ligje kunder prones dhe pronareve, ligje kunder arsimit dhe studenteve, rritje taksash dhe tarifash, falje te 500 milion Euro bashkehajduteve te CEZ, amnistim te hajduteve te votes, reforma territoriale antiqytetare jane vetem disa nga “bemat” ne kete Kuvend nga deputetet e nenshtruar te qeverise se krimit dhe korrupsionit. Nga ana tjeter deputete te Edi Rames ne kete Kuvend kane gjakosur qytetaret ne dyert e komisariateve, kane strehuar kriminele ne makinat e tyre per ti ikur ndjekjes policore, kane grabitur pasurite publike dhe parate e taksapaguesve shqiptare per vete dhe femijet e tyre, kane spastruar me liste ne dore administraten publike dhe jane kthyer ne sundimtare te Jugut e Veriut duke ju pire gjakun qytetareve permes vjedhjes, baterdisjes dhe arrogances se tyre ekzemplare. Spastrimi i ketij Kuvendi nga krimi dhe kriminelet eshte prioriteti me urgjent kombetar. Zbatimi i ligjit te dekriminalizimit dhe pergatitja per zgjedhje te lira dhe te ndershme jane urgjencat e verteta te demokracise shqiptare.
Ne kete 25 vjetor thirrja ime eshte qe ta shperbejme Kuvendin e kapur peng nga krimi dhe tja rikthejme parlamentin shqiptareve duke mundesuar zgjedhjen me vote te lire te qytetareve me te denje, me perfaqesues, me te respektuar dhe me me shume reputacion ne tempullin e perfaqesimit dhe vendimmarrjes sovrane.
