Një ditë pas protestës, kreu i Partisë Demokratike Lulzim Basha ka falenderuar të gjithë qytetarët që u bashkuan përpara Kryeministrisë.
Përmes një postimi në faqen e tij zyrtare, Basha shprehet mes të tjerash se do e vazhdojnë betejën deri në fund.
“Mirënjohje të thellë dhe falenderime nga zemra për të gjithë ata që na janë bashkuar në betejën kombëtare për Shqipërinë si gjithë Europa. Bashkë do ta largojmë këtë qeverisje antipopullore dhe antikombëtare. Sa më parë, aq më mirë për Shqipërinë!
Detyra më e madhe, prioriteti numër një, është t’ju japim shqiptarëve ndryshimin e vërtetë, fundin e tranzicionit, Shqipërinë e lirive, mundësive dhe mirëqenies për të gjithë.
#ShqiperiasiEuropa”, shkruan Basha.
