Ish-deputeti i PD Xhemal Gjunkshi në një deklaratë të jashtëzakonshme për mediat u shpreh se se drejtuesit e policisë në Dibër po shpërndajnë pistoleta për militantët e Rilindjes, si dhe po kërcënohen me jetë qytetarët që të dalin dhe të votojnë në 30 qershor.
Gjunkshi akuzoi drejtuesit e policisë në Dibër se ushtrojnë presion qytetarëve që të japin votat.
“ Kemi të dhëna se Policia e Shtetit në Dibër ka shpërndarë pistoleta dhe armatim. Në të gjithë Dibrën po qarkullojnë njerëz me dosje të zeza, me precedentë kriminalë të rrezikshëm. PD kërkon që të merren masa urgjente që të parandalohen ngjarja që mund të jenë të rënda.
Po ushtrohet presion për votat. Bekim Krashi që dëgjohej duke folur me ministrin e Damian Gjiknurin mban postin e OSHEE në Dibër. Të nderuar qytetarë më 30 qershor të bëhemi bashkë për të mbrojtur votën e lirë”, tha Gjunkshi.
Ai shtoi se ministri Lleshaj gënjeu publikisht kur tha se ka shkarkuar drejtuesit policorë në Dibër, pasi ata janë akoma duke punuar.
“Lleshaj mashtroi se drejtuesit e policisë të përfshirë në dosje 184 janë tëe graduar akoma. Komisar Robert Aga sot ka shoqëruar materialet zgjedhore që kanë ardhur në Bashkinë e Dibrës.”- u shpreh Gjunkshi.
DEKLARATË E ISH-DEPUTETIT TË PD NË DIBËR, XHEMAL GJUNKSHI
Të nderuar qytetare te Dibrës dhe gjithë Shqipërisë!
Jemi këtu përpara jush për të denoncuar makinerinë e lëvizshme të krimit, e drejtuar nga qeveria Rama.
Të gjithë jemi të njohur me megaskandalet e dosjes 184.
Është e paprecedentë që Ministrja e Mbrojtjes së Republikës së Shqipërisë (e një vendi anëtare të NATO-s), Olta Xhaçka , shfrytëzon makinerinë shtetërore, në funksion te organizatave socialiste.
Mjetet të cilat janë në përdorim të MM, u janë tjetërsuar targat me qëllim për t’iu shmangur opinionit publik.
Ajo lëviz me Helikopter te tipit EC-145, me të cilin po e përdor si taksi private, vajtje ardhje Tiranë-Dibërr.
Toyota Land Cruiser me targ AA 927 YB, targë e cila i korrespondon një mjeti tjetër.
Volksëagen Phaeton në përdorim të shtabit të përgjithshëm i është vëndosur targa TR 7821 R, kjo targë aktualisht I korrespondon një mjeti tip FIAT.
Mjeti Toëareg me targë TR 5457 T, I korrespondon një mjeti tjetër në Forcat e Armatosura.
Mjeti Land Rover me targë AA 950 FX I korespondon një mjeti tip audi.
Gjatë fushatës së saj elektorale Ministrja e Mbrojtjes është shoqëruar nga një numër i madh efektivësh të forcave speciale, dhe nga stafi saj i ngushtë që punojnë në MM.
Sot Ministrja e Mbrojtjes ka organizuar takim me të gjithë ata të cilët janë autorët e inkriminuar në dosjen 184, jo vetëm që nuk kemi një distancim por ka një bashkëpunim të forte te shtetit me strukturat e faktuara te organizates kriminale.
Shumë shpejt publiku do të ketë në dispozicion me fakte dosjen Dibra 2.
Aktualisht ju bëjmë me dije se: Kryeminstri Rama, si dhe ushtari i tij Lleshaj, jo vetëm që nuk kanë larguar nga policia e shtetit dhe vënë para përgjegjësisë Ligjore, autorët e kësaj dosje, por vazhdojnë të drejtojnë dhe janë aktiv në përgatitjen e vjedhjes së votave.
Ministri Lleshaj mashtroi përpara opinionit publik që drejtuesit e policisë të përfshirë në dosjen 184 janë larguar.
Ky është një mashtrim shumë i madh.
Ato jo vetëm që nuk janë larguar por vazhdojnë të jenë të graduar.
Më konkretisht:
Komisar Robert Aga i përfshirë në dosjen 184, sot ka shoqëruar materialet zgjedhore që kanë ardhur në qarkun Dibër.
Drejtuesit e policisë së shtetit në shkelje të hapur të ligjit, në këmbim të votave po u bëjnë presion qytetarëve mbi dokumentacionin e qarkullimit të mjeteve, ndërtimet pa leje etj.
Kemi të dhëna që policia e shtetit në Dibër, ka shpërndarë armatim si: Pistoleta dhe automatikë.
Kjo është në shkelje të plotë të ligjit elektoral.
Po ju informojmë qe ne te gjithë Dibrën po lëvizin e qarkullojnë persona me rekorde kriminale dhe me dosje te zeza.
Në këto kushte Partia Demokratike në emër të qytetarëve për te siguruar qetësinë dhe rendin publik në qytetin e Peshkopisë dhe në të gjithë Dibrën, kërkon që të merren masa urgjente për parandalimin në kohë të çdo ngjarje me pasoja të padëshirueshme.
Nga drejtuesit e pushtetit vendor në Dibër si: OSHE, DAR, institucionet e Shëndetësisë, Posta, Tatimet etj, po ushtrojnë të njëjtin presion mbi qytetarët, në këmbim të votës dhe pjesëmarrjes masive në votime, mbledhjen, dhe blerjen e kartave te identitetit.
Bekim Krashi i cili dëgjohej teksa komunikonte me ministrin Damian Gjiknuri në vitin 2016 aktualisht, mban postin e drejtuesit të OSHE në Dibër.
Punonjësi i OSHE-se me inicialet E.K, se bashku me punonjësin e postës me inicalet A.S në këmbim të votave kanë kërcënuar me jete qytetarët, duke u hequr ose duke mos ua dhënë ndihmën ekonomike dhe duke mos u shpërndarë pensionet.
Të nderuar qytetarë!
Me datë 30 qershor 2019 të bashkohemi të gjithë sëbashku për të mbrojtur demokracinë dhe kushtetutën.
Ju faleminderit!
