Një barazim i çmendur i Leiçester në shtëpi ndaj Uest Hem (2-2) dhe tani skuadra e Ranierit është 8 pikë përpara Totenhemit të vendit të dytë, kur i kanë mbetur edhe 4 takime për të luajtur. Ndërkohë që Spurs kanë një ndeshje më pak dhe do të ndeshet nesër në transfertën e vështirë të Stok Sitit. Edhe një herë tjetër, skaudra e Ranierit ka rezistuar mirë në mbrojtje, ndërkohë që ka arritur të shënojë, si gjithmonë me anë të Vardit, që në të 18’. Ndërsa 11 minuta pas rikthimit të skuadrave në fushë nga pushimi midis dy pjesëve, arbitri i tregon po Vardit kartonin e dytë të verdhë, gjë që u konsiderua një vendim shumë i diskutueshëm.
Në të 84’ është penalltia e ekzekutuar nga Keroll edhe ky pas një faulli të dyshimtë të Morgan ndaj Reid. Dy minuta më pas vjen një e majtë e shkëlqyer nga Kresuell dhe Uest Hem që vazhdon të qëndrojë në zonën e Europa League, për pak sa nuk bëri surprizën në Leiçester. Por mendoi sërish arbitri, i cili ishte absolutisht më i dobëti në fushë, i cili vërshëllen për një 11 metërsh për vendasit, që ishte edhe më i çuditshëm se ai i Keroll. Ulloa barazon rezultatin dhe tashmë Ranierit i nevojitet edhe një “dhuratë” nesër në mbrëmje nga skuadra e Biliç.
