Presidenti Ilir Meta i ka dërguar sërish një kërkesë, Komisionit Qëndror të Zgjedhjeve, ku i kërkon informacion për procedurat që janë ndjekur për mandatimin e deputetëve të rinj të Kuvendit.
Meta kërkon t’i vihen në dispozicion të dhëna shtesë mbi praktikën shkresore të administruar në KQZ për njoftimin e krijimit të vakancës në Kuvend për shkak të përfundimit të parakohshëm të mandatit për çdo deputet, ku përfshihet kopja e njoftimit të Kuvendit dhe kopja e dorëheqjes së deputetit nga mandati.
Po ashtu, kërkohet kopje e vendimeve të KQZ për dhënien e mandatit, kandidatit të radhës në listën shumëemërore për çdo vakancë të parakohshme të krijuar dhe të zëvendësuar deri më tani në Kuvend.
