I riu nga Fieri i cili mbeti i plagosur mbrëmë gjatë protestës së opozitës ka dhënë detaje nga Spitali i Traumës ku po merr edhe ndihmën mjekësore.
29 vjeçari Ened Bostani u shpreh se ishte duke filmuar protestuesit me telefon te hyrja ei Parlamentit me kurriz nga policia dhe aty ka rënë në tokë dhe më pas nuk ka parë asgjë.
Ndërkohë Bostani ka folur edhe për plagët që ka marrë duke akuzuar mjekët se i kanë fshehur pjesët metakile qe kanë hequr nga plaga në këmbën e tij.
“Isha duke filmuar protestuesit tek hyrja e Parlamentit më kurriz nga Policia dhe aty kam rënë në tokë dhe pas kësaj nuk kam parë më asgjë. Shkova në spital nga ku më dhanë ndihmën mjekësore.
Në këmbë kam marrë pjesë metalike që mi fshehën në spital. Isha i vetëdijshëm për çdo gjë që më bënin. Do marr prap pjesë në protestë edhe sikur me paterica të shkoj. Kam qenë emigrant dhe jam kthyer prej 3 vitesh, tashmë jam emigrant në shtetin tim. 3 vite që jam kthyer nga emigrimi”.
