Çështjet e padakortësuara mazhorancë-opozitë do të shqyrtohen nga ekspertët e OPDAT dhe EURALISUS
Mënyra se si do të funksionojë Këshilli i Lartë Gjyqësor, Këshilli i Lartë i Prokurorisë, Tribunal Disiplinorë apo Inspektorati i Lartë i Drejtësisë, janë çështjet që ndajnë mazhorancën dhe opozitën në Komisionin e Reformës në Drejtësi. Në mbledhjene sotme të Komisionit të Reformës në Drejtësi ëhstë diskutuar pikërisht për këto çeshtje. Pas mbledhjes së komisionit ku janë zhvilluar debate mes palëve, kryetari socialist Fatmir Xhafa, tha se palët nuk gjejnë gjuhën e përbashkët vetëm për emërimet në këto institucione. Ndërsa përfaqësuesi i PD-së në këtë komision Eduard Halimi tha:
“Lidhur me komponentin e parë, të tre elementët, si ngritja e Byrosë së Hetimit pranë Prokurorisë, ngritjen e Prokurorisë Speciale për korrupsionin në nivelet e larta, dhe për komponentit tjetër siç është kontrolli i gjyqtarëve, ka një dakordësi thuajse të plotë midis palëve.
Ka mos dakordësi ndërmjet palëve dhe diskutimet do të vazhdojnë, që ka të bëjë me pjesën e institucioneve të reja. Kanë të bëjnë me pjesën e emërimit dhe disiplinimit të gjyqtarëve. Për ne i mungojnë elementët e balancës. Ka probleme me kapjen politike dhe që Venecia ka dhënë rekomandime, si dhe ka probleme me korporatizmin”, tha Halimi.
Për çështjet e padakortësuara nga mazhoranca dhe opozita kanë dhënë variantet e tyre të cilat do të shqyrtohen nga ekspertët e OPDAT dhe EURALISUS të ndihmuar dhe nga ekspertët politikë.
