Kryetarja e LSI, Monika Kryemadhi, në një takim me manturantët, ku kanë folur për problemet e arsimit dhe Matura Shtetërore u është drejtuar atyre si e ardhmja e vendit.
Gjatë fjalës së saj Kryemadhi është shprehur se këto parti që tashmë janë në politikën shqiptare nuk e bëjnë dot më Shqipërinë shtet.
“Ne dështuam në bërjen e Shqipërisë por, duhet t’ju japim ju kurajon që ta bëni atë Shqipëri që duhet. E them këtë me bindjen e plotë sepse në 30 vite tranzicion ia kam kushtuar të rinjve por edhe atyre që nuk janë sot këtu, janë në emigracion. Shqiptarët me protesta e fundit kanë treguar se e kanë vrarë frikën, madje e kanë kapërcyer. Por qëllimi nuk është që të tregojmë muskujt përballë kundërshtarëve. Të rinjtë duhet të kërkojnë një arsim më të mirë. Ne mendojnë se ju meritoni shumë më shumë, edhe pse kemi qenë pjesë e qeverive të kaluara, ne i pranojmë edhe gabimet tona. Ne dështuam në bërjen e Shqipërisë dhe ne duhet tu japim ju kurajon që ta bëni ju Shqipërinë që meritoni. E them këtë më bindje të plotë se 30 vitet e tranzicionit iu kanë kushtuar brezave dhe të gjithë shqiptarëve”- tha ajo.
