Vlerësohet komuniteti shqiptar në Amerikë si urë lidhëse në miqësinë mes dy vendeve
“Ambasadorë të vendit të tyre” i quajti kongresmeni Charles Rangel, komunitetin shqiptar në SHBA. Gjatë vizitës që rama pati në Capitol Hill në ëashington, me senatorë, kongresmenë dhe përfaqësues të komunitetit shqiptarë në SHBA. “Historitë e suksesit shqiptaro-amerikane” ishte tema në qendër të këtij takimi ku bsenatorët e kongresmenët, vlerësuan shqiptarët për kontribute të vyera në jetën shoqërore amerikane dhe në zhvillimet e 25 viteve të jetës demokratike në Shqipëri. Miqësi shumë e veçantë, gati unike, e çmon senatori Mark Kirk, marrëdhënien shqiptaro-amerikane, për të cilën angazhohet të punojë për ta forcuar më tej.
Për Kryeministrin Edi Rama, historia e suksesit të shqiptarëve në Shtetet e Bashkuara ka nisur me brezat më të hershëm dhe sot janë frymëzim i përbashkët për ta bërë Shqipërinë dhe Kosovën një histori suksesi europiane.
“Për bashkëkombasit e mi në këtë dhomë dhe jashtë dua t’i them që të punojmë bashkë, që të ruajmë gjuhën tonë, të zhvillojmë kulturën dhe identitetin tonë, të kultivojmë dhe të çojmë përpara trashëgiminë e përbashkët të baballarëve dhe gjyshërve tanë. Le të frymëzohemi nga historitë e suksesit, nga më të mirat tona, për të bërë të mundur që Shqipëria dhe Kosova të jenë një histori suksesi në Ballkan dhe që Ballkani të jetë një histori suksesi në Europë. Europa ka shumë nevojë për një histori suksesi dhe kush tjetër, përveç Ballkanit Perëndimor mund të japë një histori suksesi. Ne jemi e vetmja histori suksesi që mund të shkruajë tani Europa. Le ta bëjmë realitet!“ – u shpreh Kryeministri Edi Rama.
Folësit në takim vlerësuan marrëdhëniet e shkëlqyera midis Shqipërisë dhe Shtetet e Bashkuara, reformat e brendshme në Shqipëri dhe bashkëpunimin në fushën e sigurisë, si dhe rolin rajonal të Shqipërisë.
