Edhe në se do të bëhet Reforma, në Shqipëri nuk do të ketë drejtësi. Ky është qëndrimi i deputetit Ben Blushi në fjalën e tij sot në Pralament ku dhe ka theksuar se ka një marrëveshje mes palëve për të mos bërë drejtësi.
“Reforma në drejtësi po bllokohet me konsensus. Sot po marrim vendim ta shtyjmë me konsensus pa afat. Aktet që ka sjellë opozita janë një kërkesë për ta shtyrë reformën në drejtësi. Sigurisht refuzimi I këtyre akteve është për ta postuar fajin sic ka ndodhur në këto 25 vjet. Kjo është loja që ka ndodhur në këto 25 vjet. Secila palë i ka hedhur fajin tjetrës dhe asgjë nuk ka ndodhur. Besoj se edhe nëse do të ketë reformë në drejtësi, drejtësi nuk do të ketë
Ky parlament prodhon më shumë fjalë sesa akte të dobishme, flet por shumë pak mendon, paragjykon por shumë pak gjykon. Ky parlament sigurisht që është me shqiptarë por në shumë pak raste është në dobi të shqiptarëve. Ky parlament, sot për këto arsye po bën gjithçka që ka në dorë për ta shtyrë dhe për ta bërë hiç reformën në drejtësi”, tha Blushi.
