Kompania amerikane ka fituar kontratë për të gjithë zinxhirin e ndërtimit
Hill International është kompania e njohur amerikane që do të menaxhojë ndërtimin e gazsjellësit TAP. Kompania ka marrë përsipër përpilimin e programit për të gjithë zinxhirin e ndërtimit, transportimit, mjedisit, energjisë. Amerikanët kanë njoftuar se fituan një kontratë pune nga Technipetrol Hella, filial i kompanisëTechnip, me objekt mbështetja e projektit në menaxhimin e ndërtimit të gazsjellësit TAP. Drejtuesit e kompnaisë së njohur amerikane kanë deklaruar se: “Ne mendojmë se përfshirja jonë në këtë projekt, që do të japë një ndikim të madh në mundësimin e gazit në Europën Jugore”.
Kompani amerikane Hill International me 100 zyra në të gjithë botën, është shumë e njohur në fushën e menaxhimit të ndërtimeve të përmasave të mëdha.
I kësaj natyre është edhe projekti i gazsjellësit TAP, me një gjatësi 870 km, që lidh fushën e Shah Deniz në Azerbajxhan me Italinë. Ku projekt I madh që kalon në një sërë shtetesh të Europës Jugore është një alternativë e sigurtë e furnizimit të vendeve të BE me gaz. Për këtë qëllim ai ka marrë edhe mbështetjen e Komisionit Europian. Punimet për shtrirjen e tubacionit të këtij gazsjellësi që kalon nga Gjeorgjia, Turqia, Greqia, Shqipëria e më pas në detin Adriatik drejt Italisë, pritet të fillojën në mesin e këtij viti.
