Kreu i opozitës Lulzim Basha ka vizituar sot për ngushëllim familjarët e ajor Klodian Tanushi, i cili vdiq mbrëmë nga plagët e marra nga shpërthimi fatal i 6 Majit në Letoni.
Kreu demokrat reagoi edhe mbrëmë menjëherë pas ngjarjes me anë të një postimi në rrjetet sociale.
“Me hidhërim të thellë përcolla lajmin se sonte në mbrëmje u nda nga jeta prej plagëve të marra major Klodian Tanushi, komandanti i kontingjentit ushtarak shqiptar në misionin e NATO-s në Letoni. Ju përcjell ngushëllimet më të ndjera familjes së major Tanushit dhe miqve, kolegëve e të afërmve të tij. Në veçanti mendimet e mija shkojnë pranë bashkëshortes dhe tre fëmijëve të major Klodian Tanushit. Lutem që shpirti i tij të prehet në paqe!”
Basha shoqërohej nga deputeti i Qarkut të Dibrës Xhemal Gjunkshi.
Major Klodian Tanushi humbi jetën mbrëmjen e djeshme, vetëm pak orë pasi iu dha lamtumira e fundit nëntetare Zarife Hasanaj.
Pasi i dha 2.2 MLN euro Kristinka Lekës, Gonxhe çel tenderin e ri 730 MLN lekë për larjen e çarçafëve në Spitalin e Traumës
Në pak javë, Ministri Blendi Gonxhe, përmes Operatorit të Blerjeve të Përqendruara, jep rreth 3 milionë euro vetëm për larjen...
