Produktiviteti në punë, më i ulëti në vendet anëtare dhe kandidate në Bashkimin Evropian
Një punonjës shqiptar punon mesatarisht 2102 orë në vit, ndërkohë që produktiviteti i punës në Shqipëri është më i ulëti në vendet e Bashkimit Evopian dhe atyre kandidate. Ky është rezultati i një studimi të kryer bazuar nga të dhënat e INSTAT të publikuara në fund të vitit 2015.
Bazuar në këto të dhëna, punonjësit shqiptarë rrinë shumë më tepër në punë se maqedonasit, amerikanët, gjermanët, francezët dhe mesatarja e vendeve të zhvilluara të OECD (Organizata për Bashkëpunim dhe Zhvillim Ekonomik)
Nga të dhëna krahasuese rezulton se nga vendet e zhvilluara të OECD, vetëm Meksika dhe Koreja kanë orë më të gjata pune se Shqipëria, me përkatësisht 2,237 dhe 2,163 dhe shumë më të lartë se mesatarja e OECD prej 1,770 orë në vit.
Paralelisht me orët më të gjata të punës, Shqipëria ka pagën minimale më të ulët mes vendeve të Bashkimit Europian dhe atyre kandidate, jo vetëm në vlerë absolute, por edhe e matur nga standardet e fuqisë blerëse. Monitor
