Kryetari i Partisë Demokratike shpalos programin ekonomik në takim me qytetarët
Kryetari opozitës, Lulzim Basha, tha sot se efekti i uljes së taksave që parashikon platforma e Partisë Demokratike është 1 miliardë euro në ekonomi, minimalisht 25 mijë vende të reja pune vetëm vitin e pare. Në takim me qytetarë në Cerrik, Basha përsëriti akuzat ndaj qeveris ëpër varfërinë dhe papunësinë.
Kryetari i Partisë Demokratike zhvilloi një bashkëbisedim dhe me të rinjtë e Cërrikut. Zoti Basha ka theksuar se platforma për arsimin parashikon mundësi për të rinjtë për të studiuar dhe orientuar në ato universitete ku tregu i punës është më i madh. Duke iu përgjigjur shqetësimit të tyre për nivelin e lartë të papunësisë, zoti Basha theksoi se shkak për këtë është korrupsioni dhe taksat e larta. Zoti Basha solli në vëmendje raportin e Dhomës Gjermane të Tregtisë e cila dëshmon se investitorët po largohen nga Shqipëria. Punësimi është prioritet kryesor, tha Basha ndërsa theksoi se ulja e taksave do të ketë një efekt prej 1 miliardë eurosh në ekonomi që përkthehet në minimalisht 25 mijë vende të reja pune. “Investitorët gjermanë që janë këtu po fillojnë të mbyllin bizneset, po fillojnë të nxjerrin nga puna më shumë shqiptarë. Ata që planifikonin të vinin, nuk vijnë. Shqipëria është e 19-ta në listën e rajonit. Shteti nesër nen drejtimin tim, me votën dhe besimin tuaj do të të mendojë dhe do të përpiqet për një dhe vetëm një objektiv madhor, punësimin në tërësi dhe punësimin e të rinjve në veçanti.
Hapi i parë, ulja e taksave. Efekti, 1 miliardë euro në ekonomi. 1 miliardë euro në ekonomi janë minimalisht 25 mijë vende pune vetëm vitin e pare”tha Basha.
