Ish-deputetja e PE-së dhe raportuesja për Shqipërinë, Doris Pack ka zhvilluar sot një takim me anëtarë të Shoqatës Çamëria dhe Partisë Drejtësi, Integrim dhe Unitet me rastin e 75 vjetorit të genocidit grek ndaj Çamërisë.
Gjatë takimit, Shoqata Çamëria e vlerësoi eurodeputeten Pack me titull mirënjohjeje. Gjatë fjalës së mbajtur, eurodeputetja u shpreh se kujdeset për Shoqatën Çamëria dhe për çështjen çame që nga viti 2006.
Pas takimit, Doris Pack nëpërmjet një statusi në Facebook ku pasqyron foto nga aktiviteti, tregon se “çamët u dëbuan nga shtëpia e tyre që prej LIIB, shtëpi të cilat nuk mund të vizitojnë as sot. Ata luftojnë për të drejtat e tyre njerëzore.”
“Një tjetër takim i fundit para se të fluturoja për në shtëpi sërish. Që nga viti 2006 kujdesem për një shoqatë të shqiptarëve, Shoqatën Çamëria, shtëpia e të cilëve është aktualisht në Greqinë Veriore, prej nga u dëbuan pas Luftës së Dytë Botërore (Çamëria), një shtëpi që ata nuk mund të vizitojnë deri në ditët e sotme. Ata po kërkojnë respekt dhe që të drejtat e tyre njerëzore të respektohen.”-shkruan Pack.
