Britania e Madhe ka shpallur gjendjen e jashtëzakonshme klimaterike, duke u bërë kështu vendi i parë në botë që ndërmerr një iniciativë simbolike të kësaj natyre.
Opozita laburiste propozoi mocionin për gjendjen e jashtëzakonshme klimaterike, që u miratua më pas nga Dhoma e Deputetëve.
Mocioni përfaqëson një sukses për liderin e Partisë Laburiste, Xheremi Korbin, i cili e kishte dorëzuar personalisht në sallë. Ai premtoi se do të bashkëpunojë dhe me vende të tjera për të shmangur katastrofat klimatike.
Sfida e laburistëve për qeverinë konservatore, synon ndër të tjera një nivel zero emetimesh të dëmshme para vitit 2050 si dhe rritjen e ndjeshme të burimeve të rinovueshme.
