Policia e Vlorës ka sekuestruar një sasi prej 48 kg lëndë narkotike kanabis sativa në kuadër të një operacioni të koduar “Prita”.
Mësohet se në një banesë në lagjen “24 Maji” u gjet sasia e lëndës narkotike si dhe 97 fidanë kanabis, e mbjellë, ndërsa janë arrestuar në kushtet e flagrancës shtetasit Z.I., 36 vjeç dhe E.B., 30 vjeç.
Policia ka sekuestruar gjithashtu edhe dy automjete, aparate celularë, një peshore elektronike e sende të tjera, ndërkaq materialet iu referuan Prokurorisë për veprat penale “Prodhimi dhe shitja e lëndëve narkotike” dhe “Kultivimi i bimëve narkotike”, kryer në bashkëpunim.
