Pa dyshim lufta politike ka goditje të ndyra poshtë rripit. Të paktën në Shqipëri kjo është ligjësi.
Propaganda e Rilindjes këto ditë po merret me shumë seriozitet me rolin e PDIU-së në opozitë, duke ngrehur gjithë pemëthymët që i dalin përpara.
Teza është e njëjtë: “Shpëtim Idrizi bëri aleancë me Vangjel Dulen”.
Tani, dihet se PDIU bëri marrëveshje me Partinë Demokratike, e cila ka marrë përsipër ta fusë Çështjen Çame në programin e opozitës sot dhe në programin e qeverisë nesër. Rilindja e Bazit e hoqi nga programi i qeverisë dhe Bazi si ish-kryetar i Shoqatës “Çamëria” as pipëtiu, madje refuzonte të lexonte qoftë një deklaratë të vetme për shtyp, se kishte hall mos i ngelte hatri lalit Erit, sepse nga Edi Rama e bënte në brekë.
Bazi (Abaz Hado) ka marrë të gjithë pushtetin e mundshëm nga PDIU-ja e “tradhëtarit” Shpëtim Idrizi. Zëvendësministër disa herë, nënkryetar bashkie, kryetar shoqate, nënkryetar partie. Mbeti vetëm ta mbante në shpinë partia që të kënaqej Bazi, i cili kishte vetëm një agjendë politike dhe atdhetare: “A ma fut pak çunin në punë?”. Ja kjo ishte deviza patriote e kësaj vemje.
Sa për Dashin e Havasë që qahet sot, sepse po ngjiz “torporatën” me “çamët” e qeverisë, duhet ta pranojmë që fjalën “korporatë” nuk e thotë dot. Ky Dashi i Havasë, është pjesë e Partisë Republikane e Fatmir Mediut, pra na qenka në aleancë që ç’ke me të me Vangjel Dulen apo jo? Por, për mikun e tij grek, Dashi i Havasë në zgjedhjet e 2017 u bë copë që të rrëmbente votat e çamëve dhe t’ia jepte Dules. A nuk u bë vallë deputet greku me votat e Dashit të Dragës?
Sa për Rilindjen duhet thënë vetëm se qenkan në pikë të hallit, përderisa janë katandisur të merren me Bazin e lalit dhe Dashin e Havasë.
