Një vrasje e rëndë ka ndodhur gjatë ditës së sotme në lagjen “Dardania” në Prishtinë ku një person vrau gruan e tij, gruan e djalit e më vonë vrau edhe veten.
Personi H.K. përgjegjës i vrasjes së trefishtë mësohet të ketë qenë me probleme mendore, i cili edhe një vit më parë kishte tentuar të vriste gruan e tij.
E pranishme në vendin e krimit ka qenë edhe mbesa 2-vjeçare e cila ka parë të gjithë ngjarjen. Dy orë pasi ndodhi krimi, 2-vjeçarja është nxjerrë nga aty nga familjarët pasi hetuesia realizoi hetimet e para.
