Banorët e Astirit vijojnë protestat për mos shembjen e shtëpive të tyre duke bllokuar rrugën.
Protesta e sontme është shoqëruar me incidente të rënda pasi disa persona janë përleshur midis tyre.
Mendohet se përplasjet kanë ndodhur midis banorëve të Astirit dhe një shoferi të revoltuar nga bllokimi i rrugës. Ndërkohë në vendngjarje nuk ka prezencë të forcave policore.
Ndërkohë gjatë protestës anëtari i Kryesisë së PD-së, Klevis Balliu ftoi shqiptarët të vijojnë me protesta deri në largimin e Rilindjes.
“Kjo shpjegon pse sot në burg është Doriani dhe jo Afrim Qendro, Taulant Balla dhe Edmond Bego. Sot pse nuk është në burg Erion Veliaj por Agim Peposhi? I bëj thirrje shqiptarëve ti kapin këta plehra dhe ti hedhin në koshin e plehrave. Ne do të vazhdojmë me qëndresën tonë. Parlament palaçosh që luajnë opozitash, krijojnë dhe grupe parlamentare. Sot grupi parlamentar i vetëm është grupi i shqiptarëve. Të vazhdojmë protestën deri në largimin e Rilindjes”, u shpreh Balliu.
https://www.facebook.com/partiademokratike/videos/2253322944984861/
