Kryeministri Edi Rama po zhvillon një vizitë në New York, ku ka takuar dhe komunitetin shqiptar. Por ai është pritur dhe me protestues shqiptarë me pankarta kundër projektit për ndërtimin e disa hidrocentraleve në lumin Valbonë.
Protestuesit i cilësojnë masakër ekologjike projektet e nisura. Aktualisht, janë parashikuar të ndërtohen 10 hidrocentrale të vegjël mbi këtë lumë.
Në kuadër të vizitës në SHBA, Rama mori pjesë në një aktivitet të organizuar nga komuniteti shqiptar në New York.
“Do të jetë një Samit ku qeveria dhe aktorë të tjerë kombëtarë do të diskutojnë me diasporën; Samiti do të shërbejë që të ndërtojmë sa më shumë ura dije, por do të jetë dhe një moment për të treguar se ne mund të jetojmë në pjesë të ndryshme të botës, por gjithmonë të bashkuar rreth vlerave tona, gjuhës dhe identitetit tonë unik shqiptar; Samiti do të jetë momenti për të diskutuar mbi rrugët dhe mënyrat e bashkëpunimit, me shembuj suksesi nga heronjtë e diasporës.
Samiti do të vlejë të maksimizojnë progresin dhe mirëqenien, duke rritur shkëmbimet tregtare e lidhjet ekonomike, u shpreh Rama në takim me komunitetin shqiptar në New York
