Zyrtarizohen grupet parlamentare, zgjidhen kryetarët nga PD dhe LSI (emrat)

Në fillim të seancës së sotme plenare janë zyrtarizuar edhe grupet e pavarura parlamentare të deputetëve që vijnë nga PD dhe LSI.

Mësohet se grupi i pavarur i deputetëve të rinj të PD, ka zgjedhur si kryetare deputeten Rudina Hajdari ndërsa nga LSI është zgjedhur  Nimet Musai.

Gjatë seancës së sotme të Kuvendit pritet që të bëjnë betimin edhe deputetë të rinj të opozitës. Deri tani numri i deputetëve nga të dyja palët ka arritur në 102.