“Për qeverinë, Holanda vërtetoi se nuk është opozita dhe protestat ato që po ndikojnë mbi vazhdimësinë e procesit të Integrimit Europian. Imazhi i Shqipërisë cënohet nga mosfunksionimi i brendshëm i shumë prej institucioneve, i shtetit të së drejtës, i dhunimit të votës së lirë, të pronës së qytetarëve”
Kështu është shprehur ish-deputetja e Lëvizjes Socialiste për Integrim, Klajda Gjosha e ftuar në studion e lajmeve në RTV Ora. Gjoshaj deklaroi se topin në dorë për çeljen e negociatave e ka në dorë qeveria, duke plotësuar kriteret dhe të bindë vendet anëtare që realisht ka bërë punë.
“Nuk janë as protestat, nuk është as rruga që mori krueministri për të shkuar në Itali dhe për të zhbërë imazhin e krijuar për Shqipërinë, nga protestat. Nxjerrja e banorëve me gaz lotsjellës nga shtëpitë e tyre janë realisht momente kriminale, për një vend që aspiron të çelë negociatat dhe që vazhdojë më tej në Integrimin në BE. Ajo që ndodhi dje e kaloi opozitën në një fazë tjetër, duke e shfajësuar totalisht nga ajo çfarë ndodh realisht për Integrimin në BE. Topi është realisht në dorë të qeverisë shqiptare, duhet të plotësojë kriteret, kushtet, të bindë vendet anëtare që realisht ka bërë punë.”– tha Gjoshaj.
