Gjatë seancës stërvitore ditën e djeshme, dy futollistët e Bajernit të Mynihut, Kingslei Koman dhe Robert Levandovski u zunë me grushte.
Sipas asaj që raporton “Bild”, stërvitja e së enjtes ka qenë mjaft e tensionuar, të dy lojtarët kanë goditur njëri-tjetrin me grushte në fytyrë. Kjo ndodhi gjatë një momenti kur trajneri Niko Kovaç po kryente së bashku me skuadrën vendosjet taktike në fushë. Ishte Robert Levandovski ai që iu drejtua francezit me një ton të lartë duke e ngacmuar. Kjo nuk i ka pëlqyer aspak atij duke shkëmbyer të shtyra dhe më pas grushte.
Kjo situatë nuk e ndihmon aspak Bayer Munich, që kërkojnë të ruajnë vendin e parë, duke nisur nga ndeshja e ardhshme në program për t’u luajtur të dielën në transfertën kundër Fortuna Dusseldorf.
