Ish-ministri i Brendshëm, Saimir Tahiri është filmuar mbrëmjen e djeshme duke u argëtuar në një nga klubet e Tiranës.
Portali Dosja.al ka publikuar disa video në të cilat shfaqet ish-ministri duke kërcyer dhe kënduar me këngëtaren Eneda Tarifa.
Në një moment të videos Tahiri kap për dore këngëtaren dhe të dy filluan të këndonin. Ajo që vihet re është se ish- ministri nuk i ndan duart nga këngëtarja.
Mesa duket ish-ministri ka pasion muzikën e lehtë shqiptare pasi nuk është hera e parë që ai shfaqet duke i kënduar me zell ato.
Ai ka kënduar edhe me Sindrit Bejlerin, pra pothuajse gjithë natën Tahiri ka qenë në skenë, madje ka ‘konkurruar’ edhe këngëtarët. Duhet të themi se shfaqet i relaksuar edhe pse është në një proces gjyqësor.
/dosja.al/
