Një nga presidentët më të fuqishëm në botën e futbollit Reinhard Grindel ka dhënë dorëheqjen zyrtare pas publikimit nga mediat e huaja se ai e kishte shfrytëzuar postin e tij për favore dhe ndere.
Mediat në Gjermani e kishin paralajmëruar këtë qëndrim të Grindel pasi ata kishin bërë me dije se Grindel nuk kishte deklaruar favoret e përfituara. 57-vjeçari kishte marrë 78 mijë euro gjatë periudhës së qëndrimit të tij në krye të qeverisë së futbollit gjerman nga DFB-Meiden, si dhe një orë prej 6 mijë eurosh, sipas tij dhuratë nga kolegu ukrainas Grigori Surkis.
“Unë nuk e kisha idenë sa para mund të kushtonte ora, ndaj dhe e pranova. Duke vepruar kështu unë eliminova idenë se mund të kisha vepruar në mënyrë të gabuar. Jam thellësisht i tronditur që më duhet të jap dorëheqjen nga roli im si president i federatës së futbollit.”-shprehet Grindel.
Grindal ishte në krye të dëtyrës që prej 15 prillit të vitit 2016, ndërsa pas eliminimit të Gjermanisë nga Kupa e Botës edhe lënies jashtë skuadrës Kombëtare të tre lojtarëve të Bajern Mynihut, Myler, Humels dhe Boetang, ia lëkundën fuqishëm pozitat. Emri më i lakuar për të marrë vendin e tij është ai i Filip Lahm, ish-kapitenit të Gjermanisë dhe Bajernit të Mynihut.
