Presidenti i Turqisë dhe kreu Partisë AK, Recep Tayyip Erdogan, ka deklaruar se në vendet ku kanë kandiduar për zgjedhjet lokale gjithsej kanë fituar 778 bashki në mbarë vendin.
Ai theksoi se që nga mëngjesi i nesërm do të fillojnë me punën e tyre për të “identifikuar dhe kompensuar mangësitë tona”.
“Në vendet ku kemi kandiduar në zgjedhje si Partia AK apo së bashku me Aleancën Popullore, gjithsej fituam 778 bashki, respektivisht 16 qytete metropolitane, 24 provinca, 538 distrikte dhe 200 qyteza”, deklaroi Erdogan nga ballkoni i selisë së partisë së tij.
Në zgjedhjet e sotme lokale, rreth 57 milionë votues kishin të drejtë të hedhnin votën e tyre në 194.390 vendvotime. Sipas vendimit të Këshillit të Lartë Zgjedhor të Turqisë (YSK), në këto zgjedhje garuan 12 parti politike.
