Shqipëria e ka nisur me humbje rrugëtimin për në “Euro2020”, pasi që në në ndeshjen e parë kualifikuese kundër Turqisë, janë mposhtur 2-0. Në “Loro Boriçi”, kuqezinjtë tanë bënë një start perfekt, duke qenë shumë të rrezikshëm. Në 20 minutat e para, krijuam raste të pastra për të shënuar, por Balaj dhe Balliu nuk u treguan të saktë para portierët.
Jilmaz merr një pasim të mirë nga Tosun dhe godet menjëherë nga brenda zonës, duke kaluar në avantazh miqtë. Kombëtarja jonë u shokua për disa minuta, por sërish tentoi të reagonte dhe t’i afrohet portës. Në pjesën e dytë, ritmi i tanëve ra ndjeshëm dhe Turqia ndëshkoi sërish.
Ky gol i preu gjunjët lojtarëve kuqezi, që nuk arritën më të reagonin dhe sfida u mbyll 0-2 në favor të Turqisë.
