Organizata e Kombeve të Bashkuara dënoi ashpër sulmin në ambasadën e Arabisë Saudite në Teheran. Protestuesit iranianë dogjën selinë diplomatike, pasi u zemëruan për ekzekutimin sheikut shiit Nimr al-Nimr nga mbretëria.
Tre ditë më parë, Arabia Saudite ndërpreu marrëdhëniet diplomatike me Iranin. Në këtë situatë protestash të dhunshme, Këshilli i OKB-së bëri thirrje që “të mbrohet personeli diplomatik dhe i konsullatës ashtu siç duhet dhe të respektohen detyrimet ndërkombëtare”.
OKB bëri thirrje gjithashtu edhe për të mbajtur dialogun dhe për të shmangur tensionet. Megjithatë, OKB në asnjë moment nuk përmendi faktin e ekzekutimit të sheikut të njohur shiit Al-Nimr dhe 46 personave të tjerë, të cilët u akuzuan për terrorizëm.
