Kreu i PD-së Lulzim Basha në fund të protestës së sotme bëri thirrje për mosbindje civile në të gjithë vendin. Kreu i PD-së tha se qytetarët nga sot nuk do të njohin përveç Kuvendit, edhe Policinë e Shtetit që përdor dhunën ndaj qytetarëve. Sipas Bashës çdokush që del krah Ramës do të shpallet tradhëtar.
Reagimi i Bashës:
Shqiptarët u mblodhën për ti treguar mbarë Botës se ky vend ka zot. Sot Edi Rama përdori dhunën e tepërt ndaj qytetarëve që protestojnë në paqe. Kemi vetëm një bandë hajdutësh që kanë marrë peng institucionet, kriminelët nuk arrestohen, por bëhen deputetë dhe kryetarë bashkish, ndërsa qytetarët goditen.
Ne nuk e njohim jo vetëm Kuvendin, po as policinë e krimit, mosbindja civile do të shtrihet nga jugu në Veri. Çdokush me uniforma apo pa uniformë që është në krah të bandës së hajdutëve të Edi Ramës, është tradhëtar i shqiptarëve dhe do të arrestohet nga qytetarët shqiptarë.
