Pesë makina janë djegur në një garazh në qytetin e Vlorës.
Ngjarja ka ndodhur mëngjesin e sotëm (26 shkurt) në zonën e Ujit të Ftohtë. Paraprakisht dyshohet për zjarrvënie të qëllimshme.
Mësohet se dy prej automjeteve janë të drejtorit të Shërbimeve në Bashkinë e Vlorës, Gent Sherifit dhe bashkëshortes së tij.
Siç raporton gazetarja e Ora News, Jerola Zijaj objektivi ka qenë pikërisht makina e zyrtarit të bashkisë, ndërsa makinat e tjera janë djegur nga shpërthimi i flakëve në makinën e parë.
Pritet që të bëhet sekuestrimi i kamerave të sigurisë për të bërë të mundur identifikimin e autorëve, edhe pse është e vështirë, pasi në këtë zonë kamerat e sigurisë janë shumë të pakta.
Policia dhe grupi hetimor po punojnë për zbardhjen e rrethanave të ngjarjes.
Oranews
