Policia e Vlorës bën me dije per ngjarjen e djeshme që mbeten të vrarë dy persona dhe një i tretë mbeti i plagosur, janë gjetur më shume së 30 gëzhoja në vendngjarje .
Po ashtu, sipas policisë së Vlorës personat që janë vrarë kanë pas konflikte të hershme që prej gjashtë vitesh. Ndërkohë që automjeti tip Mercedes-Benz që u gjet i djegur në fshatin Sherishte kanë qenë dy automatike të cilët kanë bërë qitje ndaj tre personave në zonën e Ujit të Ftohtë në Vlorë.
Njëkohësisht policia ka vërtetuar targat e automjetit të djegur rezultojnë të janë vjedhura në qytetin e Fierit, ashtu si makina që përdorën autorët rezulton e vjedhur.
Për vrasjen policia ka marrë në pyetje 15 persona dhe janë lënë të lirë serish. Po ashtu, personi i plagosur, Armando Sulejmani me pseudonimin “Çipuri” është arrestuar sot në ambientet e spitalit, ku gjendet nën kujdesin e mjekëve, pasi është gjetur me armë pistoletë dje kur iu bë atentati. Policia po punon për zbardhjen e ngjarjes.
