Ashtu siç bëri edhe një ditë më parë nga Fieri, prej nga ku iu përgjigj paralajmërimit të kryeministrit Rama ndaj studentëve, sipas të cilit ata do të rrezikonin vitin akademik nëse do të vijonin me bllokimin e procesit mësimor, edhe këtë të hënë kreu i Partisë Demokratike ka ritheksuar të njëjtin mesazh.
Basha siguron edhe njëherë studentët se nuk do të rrezikojnë vitin akademik, madje iu bën thirrje të mos kenë frikë.
Sipas tij, Rama i kërcënon studentët me humbjen e vitit shkollor për shkak se e ka kapur paniku.
Ndërkohë, duke e quajtur kauzën e tyre të drejtë, e duke shprehur mirënjohjen për shembullin e tyre, Basha theksoi se e gjithë shoqëria është me ta.
