“Si ju vrava unë ju, gjëja ime më e shtrenjtë. Më fal vëlla më falni të gjithë. Nuk mundem të vij. Nuk u shoh dot në sy. Çfarë t’u them që shpëtova veten dhe ju vrava ju. Duhet të isha unë në vendin tuaj. Unë e futa atë të sëmurë në jetën tuaj. Çfarë do ju them kur t’u shoh. Pse nuk ju mbrojta dot? Pse mendova vetëm për vete, pse…”
Këto janë fjalët që Nevila Mataj u ka dedikuar prindërve, tashmë të vdekur dhe të vëllait. Ish-partneri i saj, Majlind Lila qëlloi me pistoletë babain dhe nënën e saj Bujar dhe Valentina Mataj, të cilët për pasojë humbën jetën dhe më pas u vetëvra.
Sipas dyshimeve krimi i trefishtë ndodhi pasi çifti, që prej 1 viti jetonte në Suedi, ishin ndarë. Shkëputja e marrëdhënies me vajzën e tyre siç duket ka çuar deri në marrëzi 52-vjeçarin që kreu masakrën në ‘Unazën e Re’.
Nevila vijon të jetë në Suedi atje ku ka emigruar që prej 2012-ës së bashku me ish-partnerin, me të cilin ishte ndarë para pak kohësh. Lila fajësonte prindërit e saj, Bujar e Valentina Matajn nga Korça, për ndarjen me 36-vjeçaren, ndaj në rrethana ende të paqarta Lila ishte kthyer tre ditë më parë nga Suedia.
