Genc Sejko, inisiatori i protestës së emigrantëve nuk i mbajti dot lotët duke folur para gazetarëve. Ai tregoi se si në moshën 18-vjeçare ka udhëtuar me maune drejt Anglisë.
” Para se të vija këtu takova Besin, një djalë nga Tirana, që nuk kishte lek me hip në maune. U fut nën maune, 18 vjeç dhe thotë kisha shtrënguar aksin nga frika se do të bija. Të gjithë keni fëmijë, të gjithë keni vëllezër, 18 vjeç. Kisha frikë se do kotesha, do bija dhe do bëhesha copa, tha.Për kë është kjo Shqipëri? Ktheni vëmendjen për ata që janë më afër jush. Nuk janë këta, këta e kanë siguruar veten. Kush është më afër jush?”, tha Sejko.
