Partia Demokratike komenton raportin e fundit të BE-së për trafikun e drogës në Shqipëri
Sekretari i Përgjithshëm i PD-së Arben Ristani, tha sot se raporti I fundit i BE-së për trafikune drogës, ka konfirmuar se Shqipëria është në krye të listës së prodhimit të hashashit dhe të tregtimit të tij. Ristani tha se raporti është pohimi i asaj që Partia Demokratike e ka denoncuar çdo ditë duke akuzuar kryeministrin dhe ministrine brendshëm për lidhje me trafikun e drogës. “Është konfirmimi se kanabizimi masiv i vendit, përmes grupeve kriminale të lidhura me policinë, me Saimir Tahirin dhe Edi Ramën, është realiteti i hidhur që po jetojmë.
Prej tre vitesh trafikantët e drogës, lordët e hashashit kanë gjetur parajsën në Shqipëri, pasi ata erdhën në pushtet me Edi Ramën, ndajnë pushtetin me të, dhe do tentojnë të mbajnë pushtetin duke blerë votën e shqiptarëve të pamundur, sa herë ti thërrasë kumbari. Trafikantët e kthyen Shqipërinë në Kolumbi të Europës, sepse i kanë të gjitha lehtësitë, pasi përdorin makinën private të Ministrit të Brendshëm, emërojnë njerëzit e tyre në polici, kanë kapur pikat kyçe në dogana e institucione të tjera të zbatimit të ligjit, kanë shkrepësen në dorë për djegjen e provave, dhe gëzojnë shfajësimin e Tahirit kur goditen nga shërbimet partnere”, tha Ristani.
