Banorët e “Astirit” janë mbledhur në ditën e 25-të të protestës së tyre, kurndë shembjes së banesave dhe bizneseve në Unazë të Re, pa i dëmshpërblyer në masë 100%. Ata në shenjë proteste kanë bllokuar sërish rrugën.
Protestës së banorëve i është bashkuar edhe Andi Dahri, qytetar nga Durrësi, i cili njëherësh është profesor baleti, i cili u bëri thirrje të gjithëve që të dalin në protestë, pasi sipas tij kjo është forma e bashkimit të shqiptarëve për të drejtat dhe interesat e tyre.
“Nëse jeni shqiptar, u bëj thirrje të gjithë “shqipeve” që të ngriheni e të dilni këtu. Prindërit e mi kanë lënë kockat në Greqi. Unë jam çam, por jetoj në Durrës. Kam mbaruar Akademinë e Arteve. Edi Rama nuk më futi në punë. Unë nuk kam lekë që tu jap njerëzve të tij për të hyrë në punë. Ne duhet të jemi të gjithë të bashkuar”, – tha ndër të tjera Dahri, ndërsa shtoi, “Shqipen mos ma bëni në Instagram dhe Facebook po ejani këtu”.
Më tej ai teksa tha se banon në lagjen numër 1 të Durrësit, paralajmëroi “arrestimin” e tij për pjesëmarrje në këtë protestë, ndërsa u bëri thirrje të gjitha komuniteteve fetare që të përkrahin banorët.
https://www.facebook.com/faxweb.al/videos/2131663133552533/
