Kryeministri i Maqedonisë paralajmëron qeveri teknike e cila do të drejtojë vendin deri në zgjedhjet e parakohëshme
Kryeministri i Maqedonisë, Nikolla Gruevski, ka paralajmëruar dorëheqjen e tij para datës 15 janar. Kreu i qeverisë së Maqedonisë, deklaroi se së shpejti do të formohet një qeveri e re tenkike, e cila do të çojë vendin drejt zgjedhjeve të parakohëshme. “Do të ketë qeveri të re teknike sipas marrëveshjes së Përzhinos. Më 15 janar ajo do të formohet e në vazhdim do të merret me organizimin e zgjedhjeve. Kurse dorëheqja do të jepet më parë. Se kush do të jetë kandidati për kryeministër do të vendosë partia dhe për këtë do t’ju njoftojmë në kohën e duhur”, deklaroi Gruevski.
Vendimi i kreut të qeverisë së Maqedonisë vjen për shkak të marrëveshjes mes forcave politike të këtij vendi, e arritur disa muaj më pare, pas protestave masive që përfshinë vendin.
