“Ka interes nga kinezët, ata janë një kompani serioze”
Pas heqjes së eskluzivitetit për fluturimet ajrore nga TIA, ministri i transporteve Edmond Haxhinasto paralajmëron edhe futjen e fluturimeve loë cost nga Rinasi. I ftuar në “Top Story” në TCH, ministri ka dekalruar se është takuar edhe me përfaqësuesit e kompanisë kineze që kërkon të blejë koncesionin e Aeroporti të Rinasit. Sipas tij “Kinezët janë një kompani ndërkombëtare serioze dhe kanë investime të mëdha në SHBA. Jam takuar me ta dhe kishin një përqasje krejt tjetër për infrastrukturën aeroportuale në Shqipëri. Ata, në prani të përfaqësuesve të koncesionarit aktual të Rinasit u shprehën që ta bëjmë marrëveshjen dhe të ngremë edhe segmentin low cost në Rinas”, tha Haxhinasto.
Ministri tha gjithashtu se është bërë një vlerësim mes humbjeve nga zgjatja e kontratës koncesionare dhe të ardhurat që mund të përfitohen nga vënia në punë e aeroportit të Kukësit, apo një aeroporti tjetër që mund të hapet në të ardhmen dhe se është ndjekur parimi strategjik. “Kemi vlerësuar sa të ardhura do të nxjerrë edhe aeroporti i Kukësit, potencialin e aeroporteve të tjerë dhe kemi dalë në një përfundim qëjo vetëm për përfitime dhe humbje, por edhe strategjike. Shumë vepra janë bërë për përqasje strategjike në Shqipëri. Rruga e Kombit është bërë me një përqasje të tillë”, ka deklaruar ministri i transporteve.
