Akuzohet për armëmbajtje pa leje, hetim edhe për projektin e Parkut të Liqenit
Prokuroria e Përgjithshme, nis hetimet ndaj deputetit demokrat Gent Strazimiri, pas akuzës së policisë për armëmbajtje pa leje. Referuar padisë së Policisë së Shtetit, prokuroria ka nisur hetimet për askuzën për kundërshtim ndaj uniformave të policisë , organizim dhe pjesmarrja në grumbullime dhe manifestime të paligjshme si dhe për armëmbajtje pa leje.
Prokuroria sqaron se emri i deputetit Strazimiri është shënuar në Regjistrin e Proçedimeve Penale të Prokurorisë së Përgjithshme në bazë të akteve paraprake të dorëzuara nga ana e Policisë Gjyqësore. “Ndër të tjera, në këtë material është edhe deklarimi i shtetasit P.N., i paraqitur si ish-përfaqësues i një firme prodhimi armësh në Gjermani. Sipas deklarimit të tij, kompania që përfaqësonte, i ka dhuruar disa vite më parë një sasi armësh Ministrisë së Brendshme, një prej të cilave pretendon se është në posedim të deputetit Gent Strazimiri dhe ekspozuar prej tij në ngjarjen e datës 28.03.2016, në zonën e Liqenit Artificial, Tiranë. Ndërkohë, Prokuroria po vijon hetimet për persona të tjerë të përfshirë në ngjarjen e datës 28.03.2016, ashtu edhe për ligjshmërinë e projektit të ndërtimit të këndit të lojërave në zonën e Liqenit Artificial, në bazë të kallëzimit të dorëzuar nga përfaqësues të Shoqërisë Civile”, thesohet në deklaratëne Prokurorisë së Përgjithshme.
