Nga Taulant Kopliku
Është thjeshtë një eksperiment, eksperimenti “RILINDJE“
Ata po realizojnë një eksperiment social gjigant me 2 milionë e gjysmë kavie.
Kanë arritur në një nivel të tillë karshillëku dhe arrogance, saqë gjejnë përgjigje për çdo kapje me presh në duar që iu bëhet. Reagojnë direkt me agresivitet duke na bërë ne të mendojmë dy herë përpara se t’i akuzojmë edhe kur akuzat janë kristal të qarta. Sepse kjo është një fazë e eksperimentit që po realizojnë.
Këta i kap me kriminelë në makinë dhe e mohojnë e nuk dorëhiqen, i arrestohen vëllezër e kushërinj me tonelata droge dhe nuk dorëhiqen, flasin lirisht e bëjnë foto me mafiozë e nuk dorëhiqen, pinjollët e tyre rrahin dynjanë gjithandej dhe këta nuk dorëhiqen, nuk justifikojnë milionat dhe nuk dorëhiqen, iu gjenden miliona euro nëpër makina e nuk dorëhiqen. Sepse ky është një tjetër nivel i rëndësishëm i eksperimentit.
Nuk do të ndodhë kurrë por edhe sikur vetë shefi i tyre i madh, të kapet në një orgji me vartëset, me zë e figurë, sërish askush nuk do të dorëhiqet. Do e konsiderojnë pjesë të eksperimentit social.
Hamë mut disa ditë dhe në fund, presim plot kërshëri skandalin e radhës, duke harruar ato që ndodhen deri atëherë, sepse nuk dimë se ky është thjeshtë një eksperiment që ka etapat e tij.
Ne jemi kaviet e tyre, që na blejnë e shesin në çdo palë zgjedhje, na përdhunojnë e rrahin vajzat, na zhdëpin në dru fëmijet se duan të shkollohen, ndërsa femijët e tyre kapardisen në universitetet ku paguhet me euro me gjashtë shifra në vit, na i marrin me shkelma gjyshërit për 5 tufa majdanoz, na lënë të vdesim spitaleve për 10, 20 apo 50 mijë euro fond, (ndërsa për një deputet miratojnë 10 fish më shume që t’i shpëtojnë jetën).
Ne të gjithë pra jemi një eksperiment social. Po eksperimentojnë se deri ku mund të na e fusin, thellë e fort, e deri ku ne mund të durojmë.
Rezultatet do t‘ia dorëzojnë opozitës si asistente e dobishme e këtij eksperimenti.
